ഇപ്പോള്‍....

Friday, June 13, 2014

എന്തിന് ?









- ചങ്ങമ്പുഴ കൃഷ്ണപിള്ള

കാലമിമ്മട്ടു കടന്നുപോകും
കാണുന്നതോരോന്നകന്നുമായും 
അത്രയ്ക്കടുത്തവർ നമ്മൾ പോലു-
മശ്രുവാർത്തങ്ങനെ വേർപിരിയും!
ജീവിതം ജീവിതം സ്വപ്നമാത്രം 
കേവലമേതോ നിഴലുമാത്രം 
ഉൽക്കടചിന്തയും കണ്ണുനീരു-
മുഗ്രവിഷാദവും വേദനയും 
എന്നാലവയ്ക്കിടയ്ക്കങ്ങുമിങ്ങും 
മിന്നിപ്പൊലിയുന്ന പുഞ്ചിരിയും 
ആരാരിപ്രശ്നമപഗ്രഥിക്കു-
മാരിതിൻ സത്യം തെരഞ്ഞെടുക്കും?
ഈ മണൽക്കാട്ടി,ലീ മൂടൽമഞ്ഞിൽ 
നാമെന്തിനന്യോന്യം കണ്ടു മുട്ടി?