റാണി

 

 

 

 

- പാബ്ലോ നെരൂദ

 

ഞാന്‍ നിന്നെ റാണിയെന്നു

പേരു ചൊല്ലി വിളിയ്ക്കുന്നു.

നിന്നേക്കാള്‍ ഉയരം കൂടിയവര്‍-

ഒരുപാടുണ്ട്; ഉയരം കൂടിയവര്‍!

നിന്നേക്കാള്‍ പരിശുദ്ധരായവര്‍-

ഒരുപാടുണ്ട്; പരിശുദ്ധര്‍!

നിന്നേക്കാള്‍ സൗന്ദര്യമുള്ളവര്‍-

ഒരുപാടുണ്ട്; സൗന്ദര്യമുള്ളവര്‍!

പക്ഷെ, നീയാണ് റാണി.

തെരുവുകളിലൂടെ നടന്നുനീങ്ങുമ്പോള്‍

ആരും നിന്നെ തിരിച്ചറിയുന്നില്ല.

ആരും നിന്‍റെ പളുങ്കുകിരീടം കാണുകയില്ല.

നീ ചവിട്ടിനടക്കുന്ന മരതകപരവതാനിയിലേക്ക്

ആരും നോക്കുകയില്ല; ആ സാങ്കല്‍പ്പികപരവതാനി.

 

നീ പ്രത്യക്ഷയാകുമ്പോള്‍ നദികളെല്ലാം

എന്‍റെയുള്ളില്‍ ആര്‍ത്തിരമ്പുന്നു.

മണികള്‍ ആകാശത്തെ പിടിച്ചുലയ്ക്കുന്നു.

ഒരു സങ്കീര്‍ത്തനം ഭൂമിയെ മുഖരിതമാക്കുന്നു.

 

നീയും ഞാനും മാത്രം, നമ്മള്‍ മാത്രം,

എന്‍റെ പ്രണയമേ,

അതിനായി നമുക്ക് കാതോര്‍ക്കാം.

 

 

The Queen

I have named you queen.

There are taller than you, taller.

There are purer than you, purer.

There are lovelier than you, lovelier.

But you are the queen.

 

When you go through the streets

No one recognizes you.

No one sees your crystal crown, no one looks

At the carpet of red gold

That you tread as you pass,

The nonexistent carpet.

 

And when you appear

All the rivers sound

In my body, bells

Shake the sky,

And a hymn fills the world.

 

Only you and I,

Only you and I, my love,

Listen to it.

 

(ഫേബിയന്‍ ബുക്ക്സ്, നീയും ഞാനും മാത്രം എന്ന പേരില്‍ പുറത്തിറക്കിയ, പാബ്ലോ നെരൂദയുടെ പ്രണയകവിതകളുടെ വിവര്‍ത്തനസമാഹരത്തില്‍ നിന്നുമെടുത്താണ് ഈ കവിത ഇവിടെ ചേര്‍ത്തിരിക്കുന്നത്. സീത വിജയകുമാര്‍ ആണ് കവിതകളുടെ വിവര്‍ത്തനം നടത്തിയിരിക്കുന്നത്.)