- ഇടപ്പള്ളി രാഘവന്‍പിള്ള
നാളത്തെ പ്രഭാതമേ,നിന്‍മുഖം ചുംബിക്കുവാന്‍
നാളെത്രയായീ കാത്തു നില്പ്പിതെന്നാശാപുഷ്പം!
നീളത്തില്‍ നിന്നെക്കണ്ട് കൂകുവാനായിക്കണ്ഠ-
നാളത്തില്‍ ത്രസിക്കുന്നുണ്ടെന്നന്ത്യസംഗീതകം!
പാടി ഞാനിന്നോളവും നിന്നപദാനം മാത്രം
വാടിയെന്‍ കരളെന്നും നിന്നഭാവത്താല്‍ മാത്രം!
ഗോപുരദ്വാരത്തിങ്കല്‍ നില്‍ക്കും നിന്നനവദ്യ-
നൂപുരക്വാണം കേട്ടെന്‍ കാതുകള്‍ കുളുര്‍ക്കുന്നൂ!
ബദ്ധമാം കവാടം ഞാനെന്നേയ്ക്കും തുറന്നാലും
മുഗ്ധ നീ മുന്നോട്ടെത്താനെന്തിനു ലജ്ജിക്കുന്നൂ?
അങ്ങുവന്നെതിരേല്‍ക്കാനാകാതെ ചുഴലവും
തിങ്ങുമീയിരുള്‍ക്കുള്ളില്‍ വീണു ഞാന്‍ വിലപിപ്പൂ!
തെല്ലൊരു വെളിച്ചമില്ലോമനേ,യിതായെന്‍റെ
No comments:
Post a Comment